You are currently browsing the archives for the 結婚紀念日 category.

結婚 40 週年紀念日

Published on: September 10, 2016 Author: Ah Li4 Comments

10.09.2016 我同太太 (桃姐) 結咗婚都40年喇！ 話長唔長、話短唔短，都係美滿的。 咁我都係鐘意送啲小禮物俾佢， (光動能游水錶) 給她 ！ 好啱佢現在學自由式訓練班之用。 晚上就同佢去食半自助晚餐，渡過一個開心溫馨的晚上。 我同太太(桃姐)好多謝Facebook的好友， 俾咁多 [ 讚 ] 我哋並祝賀，我們衷心多謝大家。   執子之手與子偕老 40週年 紅寶石婚 Ruby Wedding 愛火依然熾熱，永不熄滅。 蒙古烤羊髀 德國鹹豬手    

Categories: 未分類, 結婚紀念日

結婚39週年紀念日

Published on: September 20, 2015 Author: Ah Li2 Comments

正日係10.09.2015，但果段時間太太去咗四川稻城亞丁旅行， 等佢回來補慶祝番結婚39週年紀念，晚上去小南國食上海菜， 試試2014及2015米芝蓮的食府，味道一般啫！ 四個人都好食得喎！開開心心的，食、食 、食！！！ 🙂 至於結婚介指，太太果隻已經唔啱帶了，只可留作紀念吧！ 鳴謝：我同太太 [ 桃姐 ] 好多謝大家在Facebook，俾咁多 [ 讚 ] 及祝福的回響！ 😀  結婚39週年紀念日 孫牌河蝦仁 紹興花雕醉雞 外婆紅燒肉 招牌小籠包 椒鹽小黃魚 蒸小黄魚 上海鮮魚羹 酒釀丸子与上海桂花拉榚

Categories: 未分類, 結婚紀念日, 食、食、食！

結婚38週年紀念日

Published on: September 10, 2014 Author: Ah Li4 Comments

結婚38週年紀念日 10.09.2014 轉眼又38年了，時間過得很快，肉麻嘅嘢我唔想講，希望太太開心每一天喇！ 下午去赤柱美利樓二樓某間餐廳慶祝吓，佢最出名係德國豬手，試試先，D皮好脆，味道唔錯，埋單$655元。 禮物方面，我送咗一部潛水相机給太太，等佢可以全天候影相。      鳴謝各方好友： 在 FaceBook按咁多個 [ Like ] 俾我哋及恭賀，有鼓勵寫作網誌之用。 衷心多謝大家！    

Categories: 小玩具, 未分類, 結婚紀念日

結婚37週年紀念日

Published on: September 10, 2013 Author: Ah Li10 Comments

  10.09.2013 [ 碧玉婚 ] 37週年結婚紀念日 晚上同太太去食放題慶祝吓 ！ 團購每位$170元，你睇吓我食到番本未？ 啤酒汽水仲任飲！ 哈哈 ~~~ 我食咗12隻澳洲生蠔，太太食四隻。同以下食品。 並送上 [ 行山背囊及對講机 ] 給太太做禮物。 ******* 鳴謝：各方好友，在我的 FaceBook 欄內，給小弟咁多(Like)呀！衷心感謝。    

Categories: 小玩具, 結婚紀念日

36週年 [ 珊湖婚紀念 ]

Published on: September 10, 2013 Author: Ah Li12 Comments

  09.10.2012 36週年 [ 珊湖婚紀念日 ]  時閒真係過得好快，轉眼間與太太相處36年了， 我兩係[青梅竹馬]+[兩少無猜]，我哋好多嘢都好挾的。 你看看： (一) 李雙[菊]+余月[桃]，[菊花]配[桃花]，大家都係有[花]嚟做名。 (二) 我藉貫係[山]東人，佢就台[山]人，大家都有個[山]字。 (三) 年幼時我哋住係筲箕灣聖十字徑村158E石屋，佢就住158C石屋，大家都有158喎。 哈哈~~~ 咁挾！ 她唔嫁畀我，佢就損失喇。 太太：近來影相寫Blog都OK喎！ 咁我都要送番部好D嘅相機畀佢，Comon Power Shot SX500 IS 作為禮物。 希望佢笑納喇 ! 🙂     多謝上述好友祝賀  🙂  

Categories: 結婚紀念日

結婚35週年紀念日

Published on: August 31, 2013 Author: Ah LiLeave a comment

  10.09.2011   35週年[碧玉婚]紀念日很快又35年了，今日好特別在山上渡過同幾位山友食月餅飲名茶晚上在家食牛扒及凍蟹飲紅酒並送上少少禮物 Ricoh ( PX４防)攝影机給老伴希望佢歡喜喇 !                                     

Categories: 結婚紀念日

結婚34週年紀念日

Published on: August 31, 2013 Author: Ah LiLeave a comment

10.09.2010 今天係小弟結婚 34 週年的日子 時間過得很快   當初由一個小伙子   看看當年的相片質數好差   你們留意我 [ 太太 ] 穿着的晚裝 是她自己造的  佢幾叻 !   唔講大家都唔知喎。   跟咗我呢個窮小子  都幾拾年了  少少心意禮物送給她。 晚上出去食飯慶祝 八點幾食完飯出嚟仲排哂大隊   係咪而家經濟好咗 ?    

Categories: 結婚紀念日

結婚33週年紀念日

Published on: August 31, 2013 Author: Ah Li2 Comments

  10/09/2009 囍囍囍囍囍囍囍囍囍囍囍囍   時間過得很快   轉眼又33週年 令我回憶起   當時結婚擺酒宴客 就在英皇道 (大元酒家) 近堡疊街處   現已結業多時 當時酒席 $320元壹圍   VSOP就用(百事吉)牌子 D朋友當時做嘅人情   公價$30元左右 上述的記載係想給年青的一代知道  已成為歴史了 現今酒席我相信都要陸柒仟一圍   都是普普通通的 飲的多數係 (紅酒)   VSOP酒己經過時喇 …. ！ ~~~~~~~~~~~~~~~~~~~~~~~~ 晚上需然掛着No.3 號風球 我同太太去佐敦聖地牙哥酒店餐廳 慶祝   都幾好情調   一路食   另一邊   有個菲藉歌手係度唱歌   好舒服的 晚餐鵝肝牛柳餐 主菜︰鵝肝拼牛柳、甜品朱古力太軟同蘋果批 Good !!!    

Categories: 結婚紀念日

結婚32 週年紀念日

Published on: August 31, 2013 Author: Ah LiLeave a comment

    10.09.2008 結婚 32 週年紀念曰 執子之手與子偕老  我D零用錢買禮物送給太太 – ( 三錢幾金飾 )，珍珠婚紀念禮物。  鴻星海鮮酒家食晚飯 鳳尾翅及鮑魚仔，一家人食好D，唔好刻薄自已啦    哈哈 ….  

Categories: 結婚紀念日
Newer →