You are currently browsing the archives for the 白胸翡翠鳥 category.

白胸翡翠(寫真集) – 總有一天你會離開的

Published on: October 29, 2016 Author: Ah Li4 Comments

29.10.2016 總有一天你會離開的，真的來臨了， 已經四天沒有出現了，但我也有少少的傷感！ 我与(白胸小B)相見都有三個幾月喇！ 由小B開始唔識捉魚食，到可以自己捉到魚仔食。 又由唔識插水，後來變了插水高手的成長，全部都在我的眼底裏。 多謝你帶給我和影友的歡樂 ! 你有時都好百厭，由這邊岸飛到對面岸， 我為了捕捉你的鏡頭，揸枝長鏡頭走嚟走去，都減咗5磅之多，身水身汗，仲辛苦過返工呀！ 你的優點就係傻更更，唔怕人，個個影完都有收獲，笑住離開。 你係將軍澳灣畔徑海灣的大紅人嚟，值得驕傲的。 希望你去到另外一個世外桃園，過一個比較海灣更好的生活， 好在我也同你拍咗一些相片，留作美好的回憶，給大家分享吓。 02.11.2016 已第七天了，11.00時，我去海灣等小白胸翡翠至11.45時，都沒有出現，失望離開。  

Categories: 未分類, 白胸翡翠鳥

白胸翡翠鳥捕食田鼠仔

Published on: September 9, 2016 Author: Ah LiLeave a comment

09.09.2016 上午10.00時左右，見天色唔錯，仲有少少太陽。 心情都幾興奮，諗住天氣好有光，就可以影打飛相。 於是10點幾出門去探小傻B先，去到灣畔徑開始變天了。 落雨仲有雷暴，雨勢越落越大，天文台又卦(黃雨)。 為有避吓雨，同D師兄打吓牙胶。 到12.00時左右雨勢細咗，就出動去揾吓小傻B先，見佢一個傻更更企係船上桅桿上。 後飛走去對面岸的樹上，冇幾耐就飛落欄桿，進行捕食行動，原來今次食田鼠仔吖！ 隻田鼠仔慘囉！俾佢咬住嚟撻，撻暈佢就食咗Lu ！  

Categories: 攝影多樂趣, 未分類, 白胸翡翠鳥

買咗小玩具Nikon 80-400mmf/4.5-5.6G ED VR試吓鏡頭先

Published on: September 7, 2016 Author: Ah LiLeave a comment

07.09.2016 今日專登攞支新鏡去探吓小傻B，同佢影吓寫真先。 落雨天，光線當然唔係咁好喇！ 雖然落雨天，但都見到佢出現喎！當時落緊微雨，都同佢影吓囉。 佢食咗一條魚仔，係樹上企咗一陣，飛走咗Lu ！ 雨勢好大，等咗成個鐘頭佢都冇返嚟，我走喇！去嘆下午茶。

Categories: 小玩具, 攝影多樂趣, 未分類, 白胸翡翠鳥

自己縫製鏡頭炮衣

Published on: September 1, 2016 Author: Ah LiLeave a comment

01.09.2016 落雨天，係屋企自己縫製鏡頭炮衣。 較早時我係鴨記，買了半碼$35蚊山地戰衣防水布料， 整咗幾個鐘頭，先至造完，仲造多一作個防水保護罩。 好喇 ~~~ 攞出去試吓影小傻B先！ 13.30時，當時好大雨，等D雨細咗，剛巧小傻B又出咗嚟，咁我就同佢影番D童年照先。 測試一流，好防水呀，！( Made in Ah LI )。 佢真係唔識驚人，係一名師兄面前擺甫士，真係畀佢吹脹。 今日係舊曆八月初一，佢學人食齋喎，眼見佢食咗幾塊樹葉。  

Categories: 小玩具, 攝影多樂趣, 未分類, 白胸翡翠鳥

天文台懸掛No.8風球號，小傻B (白胸翡翠)都仲出來 Wet。

Published on: August 2, 2016 Author: Ah LiLeave a comment

02.08.2016 妮妲襲港，天文台仲係懸掛No.8風球號。 上午我趁冇雨，就出去探吓小傻B (白胸翡翠)鳥。 🙂  嘩 ~~~ 見到佢出咗嚟！平平安安，個心舒服晒， 佢今日好生猛吖，又開胃食嘢，仲游水，真係服咗佢， 影影吓不好了，落大雨快閃！ 😈     

Categories: 攝影多樂趣, 未分類, 白胸翡翠鳥

白胸翡翠鳥

Published on: July 28, 2016 Author: Ah LiLeave a comment

28.07.2016 下午去TKO海邊打雀，太太 (桃姐)真攪笑。 同我影咗張出征相，佢話輸人唔好输陣喎！ 點不知去到自專心受損，原來同D影友相比之下，我枝係炮仔咋， 同佢哋果D大炮真係冇得Firht！ 無所謂啦，人比人比死人，只要自己影得開心又快樂就可。 最開心我影呢隻 [白胸翡翠BB] 嚟，剛剛識捕捉到魚仔自己食，真係叻叻！ 😛     

Categories: 攝影多樂趣, 未分類, 白胸翡翠鳥