You are currently browsing the archives for the 人生馬拉松篇 category.

渣打馬拉松 2017 各屆跑友,睇下有無自己嘅相片,有就複製取回 !

17.01.2016 08.00-12.20時，在灣仔碼頭拍攝。 當日天氣真係勁差，有雨跑濕馬，雨勢都幾大喎！ 我哋影相都幾辛苦，但跑手仲辛苦。 為跑友服務拍攝，等佢哋留下汗水美好的回憶。

25.01.2015  係跑手的大日子，每年一度的考試。 08.45-13.00時 我在灣仔碼頭附近幫你們拍攝 ( 留下汗水的美好回憶 )。 你們值得驕傲的！ 😛     

  11.03.2012    09.00時在南沙天后宮側起步 當時落緊雨，大會延遲到09.20時正式起步的雨可密   氣溫頂多10度左右，又大風 哈哈 ~~~   天賜神奇力量給我吧 ….. 為有夾硬上啦 go go go !!! 我地外來客，唔係咁熟路程 跟住佢哋d人跑錯路，入咗起樓地盆 跑多咗470無所為喇，返去有排講 跑步真係多樂趣 番到終點仲有紅絲帶衝過，爽呀 ! 跑畢 21.5公里   2小時零1分

  02.01.2012 08.00 時   在大美督近巴士站起跑    天氣好好   最適宜長跑賽   仲無太陽   正呀 ! 呢個賽事係我第一次參加   有上有落   OK喎 跑畢1小時52分 鳴謝 : 網上提供相片人仕  

  2011.12.18  珠海半馬 我哋長跑網都有20幾人去捧場 今次太太陪同  仲做埋攝記   08.00時起跑   天氣幾好喎   10幾度有陽光 條賽道好好跑喎   沿住海濱馬路嚟跑   跑畢 1小時49分 嘻嘻 ~~~   收貨 !   跑後乘車去海泉灣(海洋溫泉)浸吓 爽晒 ! 今次賽事   珠海郵政局特別發出2000張明信片以作紀念 隊員(成成)好醒目   收到風同我買埋   謝謝呀 ! 鳴謝 :   KF兄及亮哥妥善安排   仲做埋(外星人)攪氣氛 佬兄: 就扮聖老人 。    

19/12/2010 城門河皇者之戰 起跑地點 : 香港體育學院 上午八時正 (二十一公里 組別一 紫色號碼布) (半馬男子青年組、男子青壯組、男子成人組) 上午八時十分 (二十一公里 組別二 黃色號碼布) (其他半馬組別) 今天天氣很好   最宜長跑   現場好熱鬧 在跑道比賽途中   不時聽到有跑手叫 AH LI 加油呀 ! 但有些我都唔認識的   不過我都好開心   好多謝他們的鼓勵 嘻嘻 ….   !   現場見到D相熟跑手   並拍照留念 跑畢 21Km 時間 1小時47分39秒  

第32屆香港地標半馬拉松 07.30 時起跑   新娘潭路 – 烏蛟騰 – 新娘潭路回程重覆 新娘潭路 – 烏蛟騰 – 新娘潭路返回百普理賽馬會青年旅舍終點 參加人數  1088人   大會有車接送 今日係我從跑以來   最羞家的第一次 最近無嘜練跑的原因或可能我放得快過頭 跑到近終點 700公尺   上斜爆咗   由跑變行咗有兩分鐘之久 唔敢抬高頭   怕比D相識跑手笑喎   真羞家 係咁比人過頭   送大禮 之後再繼續跑   將近到終點200公尺   便發力衝過終點 完成時間 1小時54分   都收貨喇  ! 後見到啲Blog友跑手   大家吹吓水時   佢哋話你好勁呀 衝返嚟   我當時唔知好嬲定好笑 但今日最開心見到幾位Blog友跑手  份外親切 有非比, Fanny, 小強, Kitty, 大家拍照留念 並恭賀長跑網   D師兄師姐攞獎   好嘢  ！    

  渣打馬拉松 08.02.2009  –  半馬1組 時間 : 07.10時起跑   地點 : 尖沙咀彌敦道  終點 : 銅鑼灣維多利亞公園 今日跑馬拉松天氣好好   氣溫 17-23度   濕度 70-80左右 我係第一次報半馬路程   發覺開跑至完成的賽道   都多數擠塞人 要左穿右插   費了好多力水   我跑 ( 1組 ) 己追上較我們提早起步的挑戰組人員 比佢地塞塞吓   不能開大步跑   由其西隧道內至林士街   跑道幾窄吓 人又多   有些跑步人士上斜路時   無嘜力就幾個平排嚟行 阻住哂   今次之後我有了經驗   出年報馬拉松一定要報挑戰組 頭起跑   起碼比人塞的機會減少啦 跑到終點係 1小時53秒   比自己的目標慢咗少少。    

渣打全馬挑戰組42公里 今次跑渣馬最辛苦的一次，負傷又無操練長課上陣，開跑前仲落微雨，跑落又有太陽，在跑到26Km左右，右膝又唔聽話，隱隱作痛，將速度減慢，就住就住嚟跑，心諗如再惡化，真係要上車喇！唔好夾硬嚟，痛痛吓又一公里，我是個隱得痛的人 ，又唔想另大家失望，為有撑落去，拐吓拐吓咁跑，沿路有好多認識的跑手，大叫 AH Li 加油呀！ 好多謝佢哋，為有撐落去，繼續跑，跑至駱克道、東角進、紀利佐治街一帶有好多啦啦隊，非常熱鬧，見有我(太太+消閒會+長跑網)成員的啦啦隊為小第打氣，而令我非常感動，眼有淚光，將腳步加快，向維園終點進發 。 哈 ~~~~   我勝利了 …… 時間4小時35分，非常滿意。