You are currently browsing the archives for the 黑豬獎 category.

17.02.2017 我部機D500相機,失打有問題常常Hand機,於是攞部相機去尼康維修部修理,頭尾五天,修理完畢取機,我仲同啲雀友交談,話佢地D維修幾好,換咗失打同埋除塵. 幾日後24.02.2017,上午約拍友去文曲里公園打雀,空餘時間,大家交流相機知識. (1) 剛巧我們四名拍攝朋友都係用同一類Nikon相機D500鏡頭384加1.4,大家作過比試,同一光圈同一快門同自動ISO,同一方向的目標,發現我的ISO比他們高一賠,查實數次很不正常, (2) 大家檢查下部相機的塵多唔多,於是用22光圈向天拍攝,得出結果,最多塵的相機係我個部,真係火都嚟埋,佢哋仲話同我清潔左除塵,等我仲讚佢哋服務幾好,真係笑死人. 於是下午立即攞部相機上尼康維修部檢查,我將上述事情告知,經師傅睇咗,要擺底維修檢查及清潔除塵,好啦 !  一路等候維修結果,足足12日.都沒有消息. 於是忍唔住了,便打電話上維修部問明原因,點解咁少的工程可以做到12日之久,佢話師傅仲Check緊,我話我10/03號要離開香港去旅行,要攞番部機,對方先至話同我再Check Check 部機,我好相信佢係度玩我哋,我打上來取回機佢先至肯工作.要第二天12點幾,才可以交給我,報告話check唔到乜嘢原因,我非常不滿,我話你Check唔到原因,整唔到,就比番部機我啦,係度等運到咩？頭搭尾共十三天. 我現在正式投訴你們的維修部工作處理事務馬虎,又沒有通知我維修進度,他說漏咗喎,由一名維修部主任陳先生接見,他聽完我的投訴完了,好似好兒戲咁什麼都沒有寫下,我話有冇白紙黑字,又沒有檔案編號, 一陣你唔記得咁點辦啊 ! ,她才向我說會將此事情向公司報告,我說需要什麼時間,他說大約一星期,我說好 …. 但我也會將此事告知大家,他們的處理事馬虎,慣性將部機扣留14天,如果要做一兩天就維修好了,真係要改改,係一個負面的訊息.唔好以為自己係大公司唔憂造 , 咁就大錯特錯啦. 我現在正式頒一隻 [ 黑豬獎 ] 俾尼康香港有限公司維修部.     哈哈 ….. 兩天後回覆了 , 今次工作效率非常好 , 但就九唔搭八的回覆 , 都唔係我投訴的重點 . 太太說 :  得饒人處者饒人 , 算了吧 ! 其實我的火都下了 . 好喇 ! 希望佢以後做好啲喇 .  

  03.06.2013 今日發掘咗一隻黑豬 我要公告給我的粉絲知道一吓，我在較早時去旅行前，就在東亞银行(將軍澳中心分行)，戶口取出800元美金傍身及駛用，到去完旅行就將啲美金存回東亞銀行(將軍澳中心分行)，果個女職員就好似驗嘜咁驗，就將一張一佰元美金給我看，呢張寫咗原子筆字樣，我哋唔收！退回給我，我就向她說：呢D錢通通都係在呢度攞嘅，佢個衰樣好似好得戚，拒絕收回呢張美金$100元，仲叫我第日去美國駛咗佢，我去找換店都唔肯收，到現在還在我處，以後真係執到都要睇睇吖！   拒收就是這張在左眼面部的原子筆跡，保留至今。   哈哈 ~~~  今日中午在調景嶺商場(東亞銀行分行)，因為05.06.2013要去旅行，就在戶口處提取900元美金傍身及駛用，個職員將9張100元美金交給我點收，今次我醒喇！等我嚟驗嘜咁驗，續張睇，有7張100蚊銀紙上面都有[塗鴉、原子筆跡、簽名字樣及小蓋印章等]，我就退回給他，我並說：你哋都好離譜喎！9張有7張唔合格，如果我唔睇，到我去完旅行再存番俾你哋，肯定唔收喇？又要叫我去美國駛咗佢喇。 死火啦！成日叫我去美國，你哋咁樣做嘢！成日俾埋D有問題银紙人哋，日後又唔肯收回，咁我就頒一隻 [ 黑豬獎 ] 俾你哋東亞啦 。