You are currently browsing the archives for the 拜年 category.

27.02.2015 [ 羊年 ] – 祝大家身體健康 ！步步高升！心想事成！ 團拜，一年到晚好少機會坐埋一齊食餐飯 。 平時各有各忙，真係要珍惜呀！ 吹吹水！嘻嘻哈哈….. 的歡渡一個晚上。 😛      

23.02.2015 羊年喜氣賀新歲！ 好難得自己人一齊坐埋食餐飯。 麻雀開枱輪高低，我就贏少少，攞過意頭OK喇 ！ 🙂  最辛苦果個都係我太太喇！一個人在廚房煮今晚的餸菜。 開飯Lu ！一定有撈起佢呢味餸。 等啲後生揾多D，盤滿缽滿，好正呀！    

20.02.2015 喜氣洋洋賀新春！開飯Lu ！ 一家人坐埋食餐飯，開心快活樂融融！ 太太浸啲(梅酒)出爐呀！佢哋話好飲喎。 秘制光波(燒腩仔)卜卜脆，好正呀！ 🙂   

16.02.2015 [ 李公館 ] 年廿八提早食團年飯。 我同太太、有兒子、女兒同女婿一起，一共五人。 六餸一湯，粗粗哋食住先喇！ 飯後太太派 (壓歲錢利是) 喎。 🙂    開飯Lu , 撈起佢 !  🙂     

初八拜年 07.02.2014 太太的親友到來拜年，我特地去季季紅攞隻有米豬回來加餸。 今次隻豬細好多，有少少失望，好在我太太做咗幾味小菜給大家分享，好掂！ 飯後甜品係我派利是囉！      

初三拜年 恭喜發財！身體健康！步步高升！ 我的家人到我[李公館]拜年，大家平時都好少坐埋一齊食餐飯，各有各忙。 出外酒家食我就怕怕了，人又多、好似唔駛錢咁。 於是就由太太出手做[李公館]私房菜了，年年必食的[撈起佢]菜色， 等D後生升職加人工，揾多D盤滿缽滿。 哈哈 ~~~ 祝大家 [ 長食長有 ] ！    

初一拜年 31.01.2014 [甲午馬年] 天氣溫暖最高有24度。 今天入天水圍契媽度處拜年，天水圍名叫[悲情城市]，要改一改了。 今年經濟好，在街上見D人笑容都多咗。 晚上在周公館共聚團拜食馳名盆菜溫馨吓。