You are currently browsing the archives for the 節日 category.

24.12.2015  祝大家聖誕快樂 ！ 平安夜，在李公館開聖誕餐，一家人開開心心共聚一堂，真係感恩啊！  

22.12.2015   祝大家冬至快樂 ！ [冬至] 我哋外省人都係喜歡食水餃的。 晚上太太親手包水餃，餡料用 (豬肉、魚肉、韭菜) 好味道！ 餸菜有 : 海參釀蝦膠，鮮百合珊瑚蚌炒腰果，黑芝麻湯圓。 簡簡單單的食餐(冬至)水餃，長長久久、團團圓園。    

31.10.2015 晚上19.00時在兒子家裏哈囉喂晚餐，由佢做厨煮得有版有眼，俾個Like佢！ 一家人有講有笑，渡過一個溫馨歡樂的晚上。 🙂  巨貴妃蚌，巧大隻，好好味！  

24.09.2015 祝大家中秋節快樂 ！ 提早做節食飯，無辦法喇！依家各有各忙，坐埋食飯都唔容易。 中秋人月兩團圓，大家開開心心吹吹水， 今朝早就去街市，買咗幾隻蟹整凍蟹，都好貴喎，真係識要錢，如果去潮州鋪食就貴到飛起！ 自制光波燒腩仔最正，D皮卜卜脆好香口，送酒一流 [ 讚 ]。 哈哈 …… 收到巨峰提子及北海道哈密瓜做飯後菓，多汁、美味、甜、好食 ~~~ 🙂 

16.06.2015 祝大家父親節快樂！  [ 父親節 ] 襯大家都得閒，就提早慶祝囉。 哈哈 …… 小兒送我倆老每人一部Apple 6 Plus 128G手機一部， 噢 …… 俾我哋笑住鬧佢，真浪費呀！ 晚上去翠園酒家食晚飯慶祝一番。    

14.02.2015 祝大家情人節快樂 ！ 晚上在家裡慶祝，呢一餐$160元咋，都幾豐富吖。 呢個情人相隨我都幾拾年了，但有時佢都會激吓你架！ 哈哈 ~~~ 😀     

  25.12.2014 祝大家聖誕快樂 ！ 聖誕節係普天同慶的大日子。 晚上在囡囡家中食( 芝士火煱 )慶祝。 佢哋整D野食都OK喎 ！有板有眼，一家人開開心心共聚這個溫馨的晚上。                        

  [ 中秋節 ] – 現代燈飾及燈籠 你看看現在的燈籠，已變了很多，用晒膠料制造，不用點腊竹，不怕風吹滅， 而用晒電燈胆，時代要變，我們就要跟隨吧。      

  02/09/2014 [ 中秋節快樂、人月兩團圓 ] 大家開開心心一齊食餐飯，費事煮喇！ 全包宴，仲有枝紅酒送，都係千零蚊找數，好抵呀 ！      

    祝大家情人節快樂！ [ 情人節、情人餐 ] 香港九龍東皇冠假日酒店1/F ，[尚廚] 3小時自助午餐。 今次食自助餐，真係番晒本囉，食得好開心，正呀！ [美國生蠔]任食，我最鍾意的食品，生蠔每次3隻，因為係生開的關係，唔想其他人仕等候得過久，好合埋喎，我共食咗一打12隻，好鮮美！ 跟住就去攞三文魚食，果個刀手就好輕手，攞得好少，食得到喉唔到肺。 再出去攞三文魚，我就同果位哥哥仔講聲，唔該切多少少俾我吖！ 佢亞爺丫….. 一條三文魚切晒，我諗有成磅重，如我下次我再嚟幫襯，佢可能升咗做部長或主管喇！ Ha Ha  ~~~~~ 晚上，飯後食芝麻湯丸，又暖又窩心，好正！ 我記得我年少時，我老爹 [元宵節 ] 當晚，佢會整D元宵大大粒，好好食。 唉 …… 現只可留作美好的回億吧！