You are currently browsing the archives for the 攝影多樂趣 category.

10.10.2016 12.05時，由將軍澳寶琳起步經將軍澳村 – 小夏威夷徑 – 澳頭村 – 井欄樹 – 彩云邨 – 牛池灣，行畢6.79公里。 沿路邊行邊影小品，都有啲收獲喎！  

23.09.2016 哈哈 ….. 今日需然等咗個幾兩個鐘頭。 都係值等嘅，仲影到咁多打飛照，OK，滿足喇！  

16.09.2016 昨天賞月賞得夜了，今日見天氣幾好喎！ 攞部相機獨自行夏威夷徑，邊行邊影。 都有少少收獲喎！ 唔經唔覺都行咗五公里，出咗一身汗，舒服晒！ 🙂

09.09.2016 上午10.00時左右，見天色唔錯，仲有少少太陽。 心情都幾興奮，諗住天氣好有光，就可以影打飛相。 於是10點幾出門去探小傻B先，去到灣畔徑開始變天了。 落雨仲有雷暴，雨勢越落越大，天文台又卦(黃雨)。 為有避吓雨，同D師兄打吓牙胶。 到12.00時左右雨勢細咗，就出動去揾吓小傻B先，見佢一個傻更更企係船上桅桿上。 後飛走去對面岸的樹上，冇幾耐就飛落欄桿，進行捕食行動，原來今次食田鼠仔吖！ 隻田鼠仔慘囉！俾佢咬住嚟撻，撻暈佢就食咗Lu ！  

07.09.2016 今日專登攞支新鏡去探吓小傻B，同佢影吓寫真先。 落雨天，光線當然唔係咁好喇！ 雖然落雨天，但都見到佢出現喎！當時落緊微雨，都同佢影吓囉。 佢食咗一條魚仔，係樹上企咗一陣，飛走咗Lu ！ 雨勢好大，等咗成個鐘頭佢都冇返嚟，我走喇！去嘆下午茶。

01.09.2016 落雨天，係屋企自己縫製鏡頭炮衣。 較早時我係鴨記，買了半碼$35蚊山地戰衣防水布料， 整咗幾個鐘頭，先至造完，仲造多一作個防水保護罩。 好喇 ~~~ 攞出去試吓影小傻B先！ 13.30時，當時好大雨，等D雨細咗，剛巧小傻B又出咗嚟，咁我就同佢影番D童年照先。 測試一流，好防水呀，！( Made in Ah LI )。 佢真係唔識驚人，係一名師兄面前擺甫士，真係畀佢吹脹。 今日係舊曆八月初一，佢學人食齋喎，眼見佢食咗幾塊樹葉。  

÷28.08.2016 11.30時，我同太太由唐明街起步，經靈實醫院 – 茅湖村 – 康盛花園 – 小夏威夷 – 將軍澳村 – 寶琳邨 。 行山途中順便隨拍 ( 打蝶 )，哈哈 ~~~ 都有啲收穫喎！ 行畢約7.8公里，下午茶新都城富臨酒家。 中環弄蝶 擬裿班蝶 藍點紫班蝶 遷粉蝶 角翅弄蝶 雅弄蝶 矍眼蝶 橙粉蝶 腌翅弄蝶 雅弄蝶 黄班弄蝶  

10.08.2016 今朝(黃雨、紅雨、雷暴) 三樣一齊嚟，我哋等佢取消後。 我同太太(桃姐)下午約13.00 時出發。 由將軍澳中心起步調景嶺 – 澳景路 – 衛奕信徑 – 魔鬼山頂炮台來回，行畢8公里。 可能剛落完雨，好多蝴蝶出現呀！ 我就用部傻瓜機 (影、影、影)，都有啲收獲喎。   幻紫班蛺蝶 斐豹蛺蝶

04.08.2016 今日有老友來自遠方，我係地頭蟲，更係要去招呼吓佢哋啦！ 當時天氣極差，不斷落雨，小傻B (白胸翡翠鳥) 都有出嚟 Wet喎， 但落雨都唔走。 ************************************ 小傻B (白胸翡翠鳥) 係船簷篷頂，落雨都唔走，又何必呢！  

02.08.2016 妮妲襲港，天文台仲係懸掛No.8風球號。 上午我趁冇雨，就出去探吓小傻B (白胸翡翠)鳥。 🙂  嘩 ~~~ 見到佢出咗嚟！平平安安，個心舒服晒， 佢今日好生猛吖，又開胃食嘢，仲游水，真係服咗佢， 影影吓不好了，落大雨快閃！ 😈