20.02.2011 今年渣打馬拉松報咗1組，貪佢遲D起跑，可以睡耐D 06.45 時起跑，當時落小雨，都幾掃興，在跑咗三四公里，開始收雨 地吓濕哂要小心D跑，保持 5分鐘多啲 1公里，腳頭好順 在跑至 15公里左右，左腳前掌開始痛，跟住右腳都痛埋 只好收慢步速，後跑到 26 公里痛楚加劇 好驚會老抽，都唔想再跑，要差不多７分鐘 1公里 沿路係林士街及添馬艦處仲要行，無哂力水，好似成個人散哂 係咁畀人，真係肉酸挨到駱克道近紀利佐街處，見到長跑網友及一些跑手 大叫 AH LI 加油呀 ! 我苦笑一吓，好多謝佢地幫我加油 + 加氣 ! 於是就出埋D飲奶力，向終點衝去 …..時間啱啱好 4小時 唉 ….. 近來天氣寒冷又落雨， 疏操收貨喇 ! 今次真係跑得好辛苦的一次馬拉松賽事啊。 時間 ： 03:59:58仲唔駛 4 個鐘，真係黃金 2 秒 。 鳴謝 : 網上提供相片者及沿路D喇喇隊！
真開心完成第一隻全馬 今日天氣又濕又熱，對跑手嚟講係一個新挑戰，我係第一次參加全馬 十五十六的心情上陣，不敢有什麽期望 ，只希望能完成便可 落塲後同長跑網隊員保持 5分半1 Km，但跟到 13 Km左右我就落後咗大隊 為有跑自己均速，在跑至駱克道近東角道,紀利佐治街 見我們隊友的喇喇隊在打氣 並見到多名跑手 (將軍澳中哥、梁明光 、消閒跑手) 雖然沒有落塲跑 也到來打氣及拍攝 並叫AH LI 加油 ! 聽到好有親切感 便將腳步加快 向終點進發 時間係四小時二十一分 好開心完成賽事
2011.01.02 今次第一次出外跑馬拉松賽，有太太及長跑網隊員陪同，較早時聽人講過話的 08.00時起跑，起步時塞人，頭一公里跑咗要7分鐘之久，跟住就鬆哂人流 約5分幾1K左右向前跑，天氣當時約7度左右，都幾凍吓 後跑到15K時，左腳前脚板底位置，陣陣痛楚，為有慢少少跑 一路痛到去到40K時，睇吓手錶仲有17分鐘時間 先至四嗰鐘頭，內心笑住向終點進發 一定可以不用4小時完成 到達終點係 3小時 55分 好高興預期目標達成，D市民沿賽道打氣，非常熱鬧 打鑼打鼓，又送出食物有糖果,香蕉,餅干，饅頭,飲品等等 跑畢旅行社安排飯後去浸温泉，好正呀 ! 消除疲勞 舒服哂 …. ~~~~~~~~~~~~~~~~~~~~~~~~ 不忘偷師學嘢 ! 今次跑後与好多位前輩跑手傾談 聽取佢哋跑步的心得 學咗好多嘢 我相信對我日後跑步 會有很大的幫助 。
24.02.2013 09.00 時至0950 時 係景逸軒嘆茶，佢都有專為馬拉松食單，真係識做生意。 我叫咗佢個(豉汁排骨飯+鯪魚球)，無搭位，一個人座張枱，落樓$38蚊，一D都唔貴。 10.00 時至12.00 時，紀利佐治街o/s恆隆中心處，我係度恭侯大家。 噢 ~~~ 幣喇！D快嘅跑手都過咗，影唔到佢哋，在此說聲[對不起]呀！ 長跑網、將軍澳跑友、視障跑友及我認識的各界跑友，我幫你哋拍攝就快衝線的相片。 給你們留下美好的回憶，值得驕傲的一刻，希望大家鍾意，並為大家打打氣！Ha Ha ~~~
棄戰 2013 [ 渣打全馬 ] 你哋LOOk LOOK我幾多補品呢！ 傷患久醫未癒，需要保養吓11號巴士先至得嘅，聽取咗TKO醫院物理治療師(陳Sir),及各界跑友，山友，我的家人勸告，經多番思量，作出最後傷感的決擇，棄戰 [ 渣打全馬 ]。 我知道有些各界的朋友，佢哋對我的期望很高，並說 [渣馬] 難不到你的，行吓跑吓都返到嚟喇！講其容昜。 哈哈 ~~~ 免強無幸福！我唔想做(鐵拐李)喎，[ 留得青山在，那怕無柴燒 ] 。 現在公佈棄戰一事，一向對我有好高 ….好高…期望的好友，說聲對不起。 祝各跑友：渣打當日[馬到功成]！努力+加油+加氣呀！！！
2013渣打馬拉松嘉年華 今天上午同太太去絧纙灣維園攞(渣打馬拉松號碼報)，現場重有嘉年華會攪攪氣氛，免費拍照，唔好執輸影番幾張相喎，玩遊戲仲攞咗一些獎品 OK ! 喇。 現場有一位以前係Yahoo 的 Blog 友，佢上前同我相認，並自我介紹及常常入嚟睇我個Blog ，真係好多謝她，大家並拍照留念。
最近收心養性(係度養傷)所以好得閒，就同自己計一吓數 在退休5年幾，開始跑步人生路。 跑咗 4 個 [ 全馬拉松賽事 ] 有苦也有樂， (1) 2010年 渣打全馬拉松 跑畢4小時21分 (2) 2011年 渣打全馬拉松 跑畢3小時59分 (3) 2011年 廈門全馬拉松 跑畢3小時55分 (4) 2012年 渣打全馬拉松 跑畢4小時35分 6 個半馬拉松，OK 喇 ! 嘻嘻 ~~~ 都有所交代啦，最高興就係認識一班跑手。 ******************************** 2010年 渣打全馬拉松 我第一次跑全跑，心裏15,16想唔知跑唔跑得晒，落到跑道正正經經的去考驗吓自已，得咗喎， 當時心裏非常高興。 渣打馬拉松 2011.02.20 今年渣打馬拉松報咗1組，貪佢遲D起跑，可以睡耐D，06.45 時起跑 ， 當時落小雨 ， 都幾掃興， 在跑咗三四公里 ， 開始收雨，地吓濕哂 ， 要小心D跑 ，保持 5分鐘多啲 1公里， 腳頭好順， 在跑至 15公里左右，左腳前掌開始痛， 跟住右腳都痛埋，只好收慢步速，後跑到 26 公里痛楚加劇， 好驚會老抽 ， 都唔想再跑 ， 要差不多７分鐘… More »
2012.04.29 江門站時間 : 09:00 地點 : 广东省江门市滨江大道， 潮莲大桥下—滨江大道—潮莲大桥下 。 半程马拉松（ 21.0975公里 ）, 潮莲大桥下—滨江大道—潮莲大桥下 , 當日天氣又熱又曬 , 真攞胆 ,He He ~~~ 好在都能順利完成 , (右膝) 第二朝起身 , 睇吓好似豬蹄咁 , 死未 ! 唉吔 …. ! 我知錯了 , 現在要聽醫生話 , 真係要休息吓。