渣打馬拉松 08.02.2009 – 半馬1組 時間 : 07.10時起跑 地點 : 尖沙咀彌敦道 終點 : 銅鑼灣維多利亞公園 今日跑馬拉松天氣好好 氣溫 17-23度 濕度 70-80左右 我係第一次報半馬路程 發覺開跑至完成的賽道 都多數擠塞人 要左穿右插 費了好多力水 我跑 ( 1組 ) 己追上較我們提早起步的挑戰組人員 比佢地塞塞吓 不能開大步跑 由其西隧道內至林士街 跑道幾窄吓 人又多 有些跑步人士上斜路時 無嘜力就幾個平排嚟行 阻住哂 今次之後我有了經驗 出年報馬拉松一定要報挑戰組 頭起跑 起碼比人塞的機會減少啦 跑到終點係 1小時53秒 比自己的目標慢咗少少。
2011.12 樂善行 09.00時起步由北潭涌(起點) – 蚺蛇坳 – 長咀 – 鹹田灣 – 西灣亭 – 北潭涌 (終點) 30公里 天氣寒冷有陽光 山上好大風今年賽事 有好多賽道人龍擠塞 一個跟一個 想快都唔得參加人數 3500 名 大會總名次：第 463 名跑畢全程 4 小時 10 分鐘 先進組第 50 名 係西貢飲早茶見到日出，好靚呀 ! 獎品有背囊、帽及頭巾
樂善盃 2010 北潭涌(起點) – 蚺蛇坳 – 長咀 – 鹹田灣 – 大浪西灣 – 西灣亭 – 北潭涌 (終點) 30 公里 12.12.2010 09.00時起跑 天氣涼涼哋 無太陽好好跑喎 沿路我都保持均速去跑 無谷度 在跑到 28 Km時 比較辛苦一點 在終點 200 M 半行半跑的衝過終點 時間 4小時 6 分鐘 先進組別 第 38 名 畀舊年快足足 59 分鐘 今年賽前都沒有操過此山路段 噢 ~~~ 真係神經刀嚟 哈哈 …. ! 今次攞到背囊了 無白跑 我都好滿意 另在現場好高興… More »
樂善盃 2009 09.00 時開跑 呢嗰賽事係我第一次參加 塲面都好熱鬧 好開心 現塲見到有 (將軍澳中哥) (Kennis) (多情Raymond) (鍾Sir) 及 (T記舊同事) 賽事完成 時間5小時05分 30 Km 通知 14/12-19/12/2009 本人去印度旅行 6天 要义义电 暫時Off Air
渣打全馬挑戰組42公里 今次跑渣馬最辛苦的一次，負傷又無操練長課上陣，開跑前仲落微雨，跑落又有太陽，在跑到26Km左右，右膝又唔聽話，隱隱作痛，將速度減慢，就住就住嚟跑，心諗如再惡化，真係要上車喇！唔好夾硬嚟，痛痛吓又一公里，我是個隱得痛的人 ，又唔想另大家失望，為有撑落去，拐吓拐吓咁跑，沿路有好多認識的跑手，大叫 AH Li 加油呀！ 好多謝佢哋，為有撐落去，繼續跑，跑至駱克道、東角進、紀利佐治街一帶有好多啦啦隊，非常熱鬧，見有我(太太+消閒會+長跑網)成員的啦啦隊為小第打氣，而令我非常感動，眼有淚光，將腳步加快，向維園終點進發 。 哈 ~~~~ 我勝利了 …… 時間4小時35分，非常滿意。
20.02.2011 今年渣打馬拉松報咗1組，貪佢遲D起跑，可以睡耐D 06.45 時起跑，當時落小雨，都幾掃興，在跑咗三四公里，開始收雨 地吓濕哂要小心D跑，保持 5分鐘多啲 1公里，腳頭好順 在跑至 15公里左右，左腳前掌開始痛，跟住右腳都痛埋 只好收慢步速，後跑到 26 公里痛楚加劇 好驚會老抽，都唔想再跑，要差不多７分鐘 1公里 沿路係林士街及添馬艦處仲要行，無哂力水，好似成個人散哂 係咁畀人，真係肉酸挨到駱克道近紀利佐街處，見到長跑網友及一些跑手 大叫 AH LI 加油呀 ! 我苦笑一吓，好多謝佢地幫我加油 + 加氣 ! 於是就出埋D飲奶力，向終點衝去 …..時間啱啱好 4小時 唉 ….. 近來天氣寒冷又落雨， 疏操收貨喇 ! 今次真係跑得好辛苦的一次馬拉松賽事啊。 時間 ： 03:59:58仲唔駛 4 個鐘，真係黃金 2 秒 。 鳴謝 : 網上提供相片者及沿路D喇喇隊！
真開心完成第一隻全馬 今日天氣又濕又熱，對跑手嚟講係一個新挑戰，我係第一次參加全馬 十五十六的心情上陣，不敢有什麽期望 ，只希望能完成便可 落塲後同長跑網隊員保持 5分半1 Km，但跟到 13 Km左右我就落後咗大隊 為有跑自己均速，在跑至駱克道近東角道,紀利佐治街 見我們隊友的喇喇隊在打氣 並見到多名跑手 (將軍澳中哥、梁明光 、消閒跑手) 雖然沒有落塲跑 也到來打氣及拍攝 並叫AH LI 加油 ! 聽到好有親切感 便將腳步加快 向終點進發 時間係四小時二十一分 好開心完成賽事
2011.01.02 今次第一次出外跑馬拉松賽，有太太及長跑網隊員陪同，較早時聽人講過話的 08.00時起跑，起步時塞人，頭一公里跑咗要7分鐘之久，跟住就鬆哂人流 約5分幾1K左右向前跑，天氣當時約7度左右，都幾凍吓 後跑到15K時，左腳前脚板底位置，陣陣痛楚，為有慢少少跑 一路痛到去到40K時，睇吓手錶仲有17分鐘時間 先至四嗰鐘頭，內心笑住向終點進發 一定可以不用4小時完成 到達終點係 3小時 55分 好高興預期目標達成，D市民沿賽道打氣，非常熱鬧 打鑼打鼓，又送出食物有糖果,香蕉,餅干，饅頭,飲品等等 跑畢旅行社安排飯後去浸温泉，好正呀 ! 消除疲勞 舒服哂 …. ~~~~~~~~~~~~~~~~~~~~~~~~ 不忘偷師學嘢 ! 今次跑後与好多位前輩跑手傾談 聽取佢哋跑步的心得 學咗好多嘢 我相信對我日後跑步 會有很大的幫助 。
奧運歡樂跑 2013.06.23 迪士尼樂園 ，08.15時起跑，全程5.6公里， 我同太太一齊參加，就上演一幕 [ 夫跑妻跟隨 ] 。 沿路一面跑，一邊影相，真正的歡樂跑。 天公造美，無雨有太陽，好好跑！跑畢仲有獎抽，正呀 ！ 後係茶樓嘆緊茶時，嘩 ~~~ 落好大雨呀！ 如果跑緊落雨就幣喇！ 真係多謝上天吖！
20.05.2013 (右膝頭哥)傷患都差不多年幾了，終於排到期。 14.30時去沙田威爾斯親王醫院睇矯形及創傷(骨科)。 未睇之前期望很大，見咗医生後期望跌至低點， 佢話我 [關節衰退、生骨刺及啲骨有D蝕咗]。 隻腳仲有啲撓撓地喎！ 無得攪喇！你忍唔忍受到現在的痛楚吖? (一) 忍到就咁囉，我俾D特效藥你食吓， 行山跑步呢D運動盡亮減少，最好去游吓水囉。 (二) 如果忍唔到痛，我諗最後要排期換關節手術了。 嘩 ~~~ 有冇咁嚴重呀！真係嚇死人咩。 我和偶像葉伯2009年攝的，佢都跑到80幾歲先冇跑，現在佢在老人院安享晚年，而我呢個李伯真係冇用，60多D就係咁先，死未！ 不過我現在會繼續(跑步、行山)的，因為我仲未玩完我的至愛呀！ 但我跑步同行山會俾以前會慢好多，因為上山落斜都係我嘅死穴，胶位較痛，千奇唔好笑我呀！仲要俾D鼓勵我吖! Ha Ha ~~~