You are currently browsing the archives for the 遠足行山 category.

02.10.2016 集合： 10.00時，大埔墟火車站。 旅程：大埔墟火車站 (東海堂外) 集中後乘275R往新娘潭下車，沿車路折返至涌口則，人工斜坡覓路登峰，接龍珠瀑(橫涌石澗)，上逆至霜碧潭浸泳煮茶及芋頭西米露糖水。 離開時，出新娘潭郊遊徑歸途，返大埔墟街市2/F食肆開餐Lu ! 🙂  

16.09.2016 昨天賞月賞得夜了，今日見天氣幾好喎！ 攞部相機獨自行夏威夷徑，邊行邊影。 都有少少收獲喎！ 唔經唔覺都行咗五公里，出咗一身汗，舒服晒！ 🙂

÷28.08.2016 11.30時，我同太太由唐明街起步，經靈實醫院 – 茅湖村 – 康盛花園 – 小夏威夷 – 將軍澳村 – 寶琳邨 。 行山途中順便隨拍 ( 打蝶 )，哈哈 ~~~ 都有啲收穫喎！ 行畢約7.8公里，下午茶新都城富臨酒家。 中環弄蝶 擬裿班蝶 藍點紫班蝶 遷粉蝶 角翅弄蝶 雅弄蝶 矍眼蝶 橙粉蝶 腌翅弄蝶 雅弄蝶 黄班弄蝶  

14.08.2016 集合時間：10.00 hrs。 地點: 西貢巴士總站（紙船公園)，13人出發。 旅程：乘94號大巴高塘站下車。 沿車路步行至溪澗入口展開猴塘溪之旅，途中可在扇子潭大休暢泳，煮茶消暑，愛心糖水。 因為天雨路滑，各人行石澗要小心，D菁台石好滑呵！ 並祝賀生日之星 ( 鄭兄)，生日快樂！身體健康 ！ 晚飯：將軍澳百勝酒家。  

10.08.2016 今朝(黃雨、紅雨、雷暴) 三樣一齊嚟，我哋等佢取消後。 我同太太(桃姐)下午約13.00 時出發。 由將軍澳中心起步調景嶺 – 澳景路 – 衛奕信徑 – 魔鬼山頂炮台來回，行畢8公里。 可能剛落完雨，好多蝴蝶出現呀！ 我就用部傻瓜機 (影、影、影)，都有啲收獲喎。   幻紫班蛺蝶 斐豹蛺蝶

06.08.2016 雙潭石澗-潭崗 集合時間: 09.45時。 地點: 西湾MTR ( A) 出口 14号巴士站，15人出發。 行程 ：大潭篤水塘－大潭水塘道－大潭中水塘壩下－雙潭石澗－碧水灘－大潭水塘－柏架山道－港島徑第六段－潭崗飛瀑－港島徑第六段－大潭道乘車歸程。 中段煮茶大休，食嘢保補充能量。 行畢6.5公里。 ********************************************* 鳴謝： 國仔：你整的 (咖哩雞) 好正呀！總算試到了。 桃姐：臭草海帶綠豆沙超正，可以解暑呀！  

23.07.2016 集合時間 ： 10.00hrs，東涌 MTR B 出口外，12人出發。 路程：東涌 MTR B 出口外集中轉乘大巴M33往梅窩方向至貝澳太古渡假屋下車，怡和路入小路约五十米便見一大潭, 沿途好多小潭小瀑，但係水質嘛嘛，沿澗上仲有好多蜘蛛網呀！攀上至嶼南郊遊徑走梅窩，搭船出中環。 中環見到日落非常靚啊！有一張仲係兩幢大厦的中間爆出很美，我立即用手機拍攝下來，給大家分享。 行去上環街市2/F晚膳，D野食味道都係嘛嘛哋 ！試過後，希望下次唔好再去呢間食肆排檔喇。 🙂 ******************** 鳴謝： 今次行程在梅窩碼頭(男)洗手間內，更衣時留下本人之(行山扙)，開船到中環才發現，向中環梅窩碼頭報告，佢哋工作效率好高，立即尋回，並將之行山扙下班船運送出中環梅窩碼頭交回給我，真係好多謝 [ 新渡輪 ] 各員工。

17.07.2016 集合時間 10.00 hrs。 地點 :  粉嶺火車站7.11店外，16人出發。 路程 : 粉嶺火車站7.11店外集中後轉乘绿Van 往鹿頸,，南涌下車後沿車路至南涌郊遊徑牌坊，沿郊遊徑登山至石澗中游入口逆澗,經肥豬石、石板坡，沿山徑下山出沙頭角鹽灶下乘大巴收隊。 下午茶：煲名茶，咖啡茶，韭菜炒蛋三文治 + 咸牛肉煎蛋三文治，好味道 ！ 行畢 : 6.35公里。      肥豬石        10人去聯和墟街市晚膳，10人叫咗10個餸菜，都食晒喎，真係白行了！

09.07.2016 11.40時，我同太太34度高溫天氣出發Lu ！ 不用一分一毫的交通費。 行程 : 尚德邨起步經靈實醫院 – 茅湖村 – 澳頭村 – 小夏威夷徑 – 將軍澳村、寶琳邨 ，行咗 7.30公里。 下午茶麥當勞攪掂，後再步行回尚德邨約 2公里幾，15.30時完畢，今日總結約 10公里。 OK 收貨喇 ！出咗勁多汗。 沿路都有打蝶，最高興係一次過打到三隻鳳蝶，[ 有神鳳、林鳳、徐小鳳 ]，爽呀！  

19.06.2016 祝大家父親節快樂 ！ 🙂  上午行山小夏威夷4.5公里，都出咗一身大汗喎。 下午茶，女兒親手造咗一個 [ 士多啤梨藍莓芝士蛋糕 ] 。 係我的最愛嚟，味道很好！ 晚餐，就由兒子做大廚，煮咗幾個餸菜，OK喎！味道唔錯。