You are currently browsing the archives for the 遠足行山 category.

13.12.2015 中午，天陰陰，由將軍澳起步，途經澳景路 – 衛奕信徑 – 砵甸乍炮台 – 鯉魚門 – 油塘。 鯉魚門D海鮮，有得睇、冇得食，嗚嗚 ~~~ 行畢都有 7公里喎。 下午茶，食番嗰(魚湯龍躉米線)都ok喎！ 😉      

 11.12.2015 中午行山由將軍澳起步行至油塘，途經澳景路 – 衛奕信徑 – 落油塘。 行畢短短哋 4.75公里。 去咗油塘中心嘅 [金利豐酒家] 歎下午茶，好平喎！ D嘢食都幾好，食得過，冇介紹錯，埋單都係$54蚊， 我見佢龍躉魚好出名，下次重臨一定要試試。 🙂 聲明：本人与該酒家並沒有什麼利益的！只係將事實告知大家分享吓。    

18.11.2015 天氣非常好，中午11.00時行魔鬼山砲堡，今次行晒上下砲堡，係最完美的一次，行畢8.54公里。  

28.10.2015 11.45時倆人行，由將軍澳唐明苑起步，經靈實醫院、茅湖仔村、魷魚灣、蓮苑徑、寶坑徑、由捷徑落寶琳邨、唐明苑，全程約8公里。 今次真係遊山玩水喇！慢慢行，邊行邊影小蝴碟，好正呀！ 🙂    

11.10.2015 中午同太太在尚德邨起步。 經靈實醫院 – 將軍澳青年營 – 茅湖仔村 – 小夏威夷徑 – 將軍澳村。 天氣涼了很多，天陰陰幾好行，行畢9公里。  

 29.09.2015 中午12.45時開始由將軍澳中心起步，行我家的後花園 [ 茅湖堡壘 ] 。 氣溫都有32度，都幾熱吓，但有D風喎，go go go !!! 在山上打過圈返回彩明苑，行畢6.85公里。 出咗一身汗，舒服晒 ……. ！  

23.09.2015 09.30時，坑口地鐵集合後起步，經半見村 – 孟公屋 – 郊遊徑 – 大澳門 – 清水灣第一泳灘。 行畢 7公里，冇風，出咗一身汗呀！超正。 在清水灣第一灘燒烤及暢泳，今次有得行又有得食，正呀！ 🙂    

01.09.2015 中午天陰陰，又唔曬，我鍾情魔鬼山炮台，我家的後花園嚟。 我一人出發囉！行畢都有8公里，出咗一身汗幾好吖。 🙂   

05.08.2015 中午同太太一齊由尚德邨起步，經靈實醫院車路去到調景嶺舊警署已封了。 由小徑沿山路上茅湖山觀察台。 噢 …… 現在已經封閉了，並有一名保安人員看守，打聽之下，此觀察台已經被 選評為一級歴史建築物，須要維修喎。 跟住行落山往馬油塘去慧安園天寶酒家嘆下午茶。 行畢6.9公里。  

01.08.2015 嘩 ~~~~ 今日天氣非常好，美麗的天空！ 😎  09.50時，東涌MTR-B出口，13人出發。 乘11號巴士入大澳總站起步。 沿路看到天上少見的 [日暈] 彩虹雲 。 經牙鷹角、營地、水務署小徑登上天池，沿萬丈瀑、去到鼻涕瀑布大休。 食方面： (1) 魚蛋、菜、烏冬。 (2) 煲桑寄生、蓮子蛋糖水， (3) 嘆茶：中式有普洱茶餅靚茶。西式有靚咖啡茶。 18.00時海韻晚膳，大吃大喝，超晒標了，今天白行，行畢8公里。 最緊要食馳名的 [ 八寶鴨 ] ，要預早訂下。 🙂  *********** 鳴謝 : (一) 鄭副領隊的旅遊手信小食。           (二) 消防張兩枝紅酒！   [ 日暈 ] 少見的彩虹雲 ！ 鼻涕瀑布 [ 八寶鴨 ] 必食好正呀 !