You are currently browsing the archives for the 遠足行山 category.

08/02/2015 08.15時，在坑口百好酒家嘆早茶。 茶後乘車去西貢紙船与其他山友集合。 14人出發，再乘的士入西灣亭起步、螺地墩、鹿湖郊遊徑、赤徑、黃石碼頭。 行到鹿湖郊遊徑山邊有 ( 吊鐘花 ) 觀賞，我就用自拍神棒+蘋果手機拍攝，都OK喎 ！ 行畢 9公里幾。 鳴謝：首席 [ 張領隊 ] 請飲早茶！  

04.02.2015 今日天色嘛嘛哋，天陰有霧。 集合：09.30時鑽石山MTR C出口。 乘75X巴士入大埔富善邨，滙合其它山友後15人出發。 路線：富善邨起步經鳳園、沙螺洞村、鶴藪水塘、沙頭角。 行畢全程:10公里。    

今天天氣非常好，中午同太太行魔鬼山。 在澳景路上斜見到自私的男女在行人路上踩單車， 上到高處掉頭，然後又在行人路上落斜，非常危險。 後我哋去到魔鬼山頂，見有好多人喎，好熱鬧！ 此行程出咗少少汗咋，行畢7公里。    

釣魚翁又稱釣魚翁山，是香港的一座山峰，位於新界東南部西貢區清水灣半島上，為清水灣郊野公園的一部分，海拔為344米。 又稱「香港三尖」(1) 釣魚翁 (2) 蚺蛇尖 (3) 屯門區青山。 上午11.40時同太太由將軍澳O/S地鐵起步，經坑口、半見村、坑尾頂、郊遊徑、上釣魚翁山，後落山經清水灣道出O/S相思灣。 行畢6公里幾，跟住搭綠色小巴返將軍澳下午茶。    

鷓鴣山，高432米，位於香港西貢區，鷓鴣山北面為壁屋，東面為大埔仔，南面則是將軍澳，鷓鴣山被列為自然保育區，晨運客開鑿千級「天梯」（即山徑）及興建休憩亭。 中午我同太太12.30時由坑口起步，沿路上( 鴨仔山 )去( 鷓鴣山 )。 鷓鴣山叫天梯真係冇錯，鬼死咁多石級，好在天陰陰幾好行，出咗一陣太陽就冇咗，後行至碧屋都有5 公里，出咗一身汗舒服晒！   哈哈 …… 晚飯太太整咗一煲 [ 豬腳薑 ] ，補吓對腳喎，正呀！  

  [ 鴨仔山 ] 又稱 [ 魷魚灣山 ]。 位於西貢將軍澳坑口至寶琳一帶的一座小山。 上午約12.00時我与太太由唐明苑起步，經坑口後山小路上鴨仔山， 天陰陰，冇落雨幾好行！ 行至寶琳邨有7公里，14.00時在厚福酒家嘆下午茶。  

  22.11.2014 集合 :   10.00時 荃灣MTR A 出口 17人出發，由荃灣愉景新城起步到達下花山山坳的告示牌，元荃古道。 經石龍拱, 石龍拱位於路線的最高處（約410米 )。 沿途荃灣、青衣海峽、青馬大橋…..景色盡入眼簾。 往田夫仔，路程多是迂迴的林蔭石級。 經過陰涼的山澗處，走過田清橋，便來到田夫仔營地, 煲糖水+煮茶及大休。 令我有一個小小的驚喜， Ah Jade 靜雞雞攞出預先造好的蛋糕，為慶祝小弟康復出山，我真係有啲感動，衷心多謝吖！ 後由田夫仔露營場地，通往清快塘的小路 落深井收隊，行畢11公里。 . . . . . . . . . . . . . . . . . . . . . . . . . . . . . . . .

  01.11.2014 上午由將軍澳尚德邨起步經寶琳邨、小夏威夷、井欄樹、飛鵝山、百花林、蠔涌。 唔經唔覺都行咗12公里。 出咗一身汗，舒服晒！          

25.10.2014 早上天陰陰，涼涼哋，無太陽。 好耐無行山了，好多謝 [桃姐] 編排了(1星半)山路的行程給我行吓。 由尚德邨起步經怡心園、寶淋北路、馬油塘村、衛奕信徑、墳場落調景嶺， 行畢約 9公里。        

魔鬼山炮堡 魔鬼山炮台是香港昔日一個炮台，位於九龍油塘魔鬼山（該山又因這個炮台而稱為炮台山）高824M。 下午，我同太太由調景嶺起步- 經澳景路 – 衛奕信徑 – 魔鬼山 – 將軍澳墳場 – 返回調景嶺，行畢7公里。 今天天氣指數極差，白茫茫一片！ 在上魔鬼山的路途中，見到一名男子在修石級，我見好心人特多，便向他表示謝意，交談中知道佢姓 [ 黄 ]，佢話人人都叫我 [ 黃伯 ] 今年89歲了，我得閒就會修吓路，打發吓時間，當時仲烈日高空。 值得敬佩及要表揚吓佢，我俾隻 ( 白兔獎 ) 佢。   黄伯：好人好事，當時仲烈日高空，在修補石級。