11-18/01/2015 [ 大觀發電廠 ] ，裡面地方都好大喎！我哋揸車入去參觀遊覽吓。 有梅花影，無意中影到(虎頭峰)好大隻，俾佢針一針就不得了。 又有野生櫻花同蝴蝶影，好正呀！ [ 赤崁樓 ] 就係講鄭成功歴史的，我就嘛嘛地啫。 [ 將軍觀光魚港 ] 去到裝修緊，無癮喇，行一陣走人。 [ 七股鹽山 ] 到此一遊，都幾新鮮。 有機會你哋去到 [ 台南 ] 就去 [ 可樂牛排] 試試，抵食夾大件，台幣150元，為港幣40蚊咋，仲有免費 ( 沙律、蒜蓉多士及湯 ) 送，值得推介！
11-18/01/2015 日月潭、埔里酒廠、紙教堂、車埕車站、向山。 今次旅遊尋回37年前的回憶，好正！ 日月潭已變了很多，已成商業化。 紙教堂好特別，成間用紙造的，可大開眼界。 哈哈 ….. 相隔37年舊地從遊，有意思！
11-18/01/2015 6 人出發自駕遊，由倫兄：做柴可夫司机，九座位好正呀！ 首日住清境 – 住 [ 柏克萊景觀民宿 ]。 黄昏行街街時，無意中睇到日落超靚。 第日上合歡山睇日出，噢 …… 好失望吖！ 睇唔到，為有睇雲海喇，但係唔靚，仲凍餐死。 清境農場無嘜花睇，但下山沿路有好多 [ 梅花 ] 睇。
07.07.2014 高雄 – [ 旗津島 ] 我哋坐船去旗津島，租咗三輛(電動三輪腳踏車)遊島，遊完島去開餐，揾咗一間食肆叫 [ 文進海產 ] 佢外表有個好似Like咁，俾佢呃倒，D餸菜好細碟，飯後送西瓜片，六個人佢送 5件西瓜片，我哋一個冇得食，你話佢係咪有病呀！後同佢講先至補回片西瓜，仲面黑黑，真唔識做生意。 祝佢好運！但畀咗一個極壞的印象我們，我就頒發 [ 黑豬獎 ] 俾佢喇。 好喇！趕快去駁二藝術特區影吓D大羅友公仔，八天行程又完畢了，搭飛机返香港 Lu 。 今次旅程：所有費用只係港幣$5000元咋，好抵呀！ ~~~~~~~~~~~~~~~~~~~~~~~~~~~~~~~~~~ 鳴謝 ： (倫兄)及(亞嫂)為我們今次自遊行出咗好多力，成個旅遊編排及做咗幾日司机車我哋通處玩，衷心多謝！ 高雄機場等候上機返香港 (完)。
30.06-07.07.2014 台灣 8天自遊行 – [ 台東 ] 綠野熱氣球欣賞、池上飯包博物館、六十石山欣賞金針花、北回歸線塔、花蓮塘廠、水向上流、東海岸景色。
30.06-07.07.2014 台灣 8天自遊行 – 綠島 – [ 睇日出、浸溫泉 ] 寶島靚女真大膽，跳、跳、跳，我就唔夠佢哋大膽喇！ 藍湖水清見底，玩浮潛一流。 早上四點半起程去睇日出兼浸溫泉。
綠島 – [ 監獄風雲 ] 30.06 – 07.07.2014 台灣 8天自遊行 綠島有四個監獄，三個已開放參觀，還有一個監獄仲監禁犯人。 監獄裏面真不好受，又熱又焗，真攞命 ！ D犯人餐都唔錯喎 ！
[ 六個 ] 老野去 [ 綠島 ] 30.06-07.07.2014 台灣 8天自遊行 多謝天公造美，去咗八天都無落過雨，但好曬，熱到冇朋友。 日日都有34-35度，綠島真係值得一去再去的好地方。 溫馨提示： 綠島交通有少少麻煩，你持有國際駕駛執照，佢哋都唔會租車俾你，佢哋正係承認台灣本土的駕駛執照，畀佢吹漲。我哋六人為有同民宿負責人，租了架七座位車包司机，咁就可以四圍去遊覧咋。
22-27/04/2014六天 [ 巴士團 ] 是日天色麻麻喇，仲落雨！有D團友買鴨仔蛋食，我就睇吓算數。 我買咗當地越南叫(夫妻餅)俗稱(嫁女餅)回家食，好有特色喎。 我一腳踏兩國境界線真爽。
22-27/04/2014六天 [ 巴士團 ] 全團有40人出發。 由福田口岸去>東興>越南下龍灣>河內>下龍灣>湛江>福田口岸，長征3000多公里車程，坐到人都癲，日日起碼坐幾個鐘頭車。 戲肉係下龍灣景色，當天天氣真係麻麻哋，白濛濛一片，有點可惜，唯有照影喇！ 越南團餐極知普通，唯有呢餐自助午餐，係比較好的。