You are currently browsing the archives for the 慶祝生日 category.

 10.01.2017 今日是我的生日,我的女兒特別為我炮製一個士多啤梨藍莓芝士蛋糕, 有蘋果電腦套裝禮物收,又有政府比的兩蚊雞搭車,走勻全港九,真係開心的一天. 中午同太太女兒去中環鏞記嘆茶,晚上一家人出外食飯長腳蟹好味道, 鳴謝 : 呢兩日接到好多 (影友 ,山友,朋友) 及facebook + whatsApp 的祝賀 ! 衷心感謝您們 ! 我在此順便祝大家身體健康 ! 雞年進步 !  🙂   

15.05.2016 今日雙喜臨門，(1) 小兒生日 (2) 催眠治療師畢業。 我倆老和 Kelly 也有參家他的畢業禮。 見到她們的同學仔，一齊同佢做生日溫馨熱鬧，祝生日快樂！ 晚上去食阿拉斯加長腳蟹慶祝。 鳴謝：催眠治療師畢業的同學同小兒 Tony 做生日。  

11.05.2016 女兒生日，一家人晚上在李公館慶祝，有講有笑，渡過一個溫馨的晚上。 🙂  生日快樂！身體健康！  

03-06/05/2016 [福建、土樓、霞浦 ] 四天遊。 08.00時深圳福田口岸集合，全團23人出發。 乘地鐵去深圳北站再轉乘動車往漳洲/霞浦，後乘坐旅遊巴觀光遊。 係太陽伯伯有小小怕羞，同雲層太厚，兩日來都影唔到日出同日落的景色， 為有影吓灘頭囉，有少少遺憾。 旅遊途中，團友同[桃姐]慶祝生日，多謝大家！ 攝影團嚟講，食住一流喇！ 我記得以前好耐喇！跟攝影團係住賓館咋。    

  05.05.2016 太太(桃姐)生日。 在霞浦旅遊中，團友秘密為她慶祝。 事前連我都隱瞞了，等我倆人都有驚喜。 哈哈 ~~~ 她們好成功喎！ 不過 …… 我俾佢哋玩謝了，冇所謂啦，大家高興！ 祝大家身體健康！長玩長有！ 鳴謝 ：多謝好友Billy及各團友熱情為太太(桃姐)慶祝生日。   情深一吻，NG多次！ 🙂   

10.01.2016 生日又大壹歲了，今日行程都好豐富，上午海洋公園、下午警察學院參觀，晚上李公館晚宴。 今年壽星公做得特別開心，太太同女兒女婿封咗大利是俾我，兒子及女友就送360的影相機，呢個小玩具都幾好玩。 晚上李公館晚餐，由太太[桃姐]整咗幾味餸菜，有板有眼，品相好靚。 哈哈 ~~~ 巧味道！ 🙂 鳴謝：好多( 跑友、朋友、山友 ) 在Facebook +Whatsapps的恭賀及祝福！

28.05.2015 19.00時一家人去跑馬地馬會的[滿貫廳]晚膳， 馬會職員生日果個月內去食飯，都七折計算， 有紅酒乙枝及壽包送，好抵呀！埋單$845元落樓，食得飽飽。  

21.05.2015 珀麗酒店自助午餐 12.00-14.30時 買券十送一折實$118元，都好抵吖！ 每人有一個主菜跟住就半自助餐。 今日參加咗東區醫院義工攪的自助午餐慶祝會， Bird係生日之星，祝佢生日快樂！身體健康！好溫馨及歡樂呀！        

05/05   太太 11/05   小女    三位 (生日之星)。 15/05   小兒 今晚19.00時在太古城北京樓，食晚飯慶祝。 啲仔女送咗一個荷包畀媽咪做生日禮物。 媽咪就封番兩封大利是俾佢哋。 我就負責食飯埋單$700幾落樓。 🙂       

05.05.2015 太太生日 今次生日好特別，係在旅遊期間由(葡萄牙往西班牙)，6小時車程途中。 在一間油站的便利店內慶祝，雖然係簡簡單單，但氣氛好溫馨。 好多謝我們A組15人，一齊同太太[桃姐]慶祝生日，有花、有蛋糕，我諗佢收貨喇！ 又可滿足各團友的要求，要我錫錫[桃姐]情深一吻。 禮物方面 : 係一部長炮相機，等佢影多啲靚相畀大家分享。 🙂  按入可觀看：> 唱生日歌短片