牛年開年飯（大年初二）? ！
開心快樂 ！一家人齊齊整整 ，的開餐Lu ! 今年小孫同我拜年，零舍開心呀 !
除夕夜年卅晚
太太桃姐為我哋整幾味餸及煮水餃，代表長長久久 ！ 囝囝囡囡仲俾我倆老利是錢買嘢食喎！ 哈哈 …… 開心快樂 ！ 今年疫情唔會團拜喇，在此向大家拜個早年！ 大家牛年行大運 ！
團年飯? 7.2.2021
今年係村屋舉行好特別 ！ 首先慶祝Kelly 生日之星，剪食燒豬仔同海鮮盆菜。 跟住婆婆派壓歲錢利是給各人， 公公醒封大利是小孫 ！ 一家人團團圓圓的渡過一個溫馨的晚上，真係感恩啊！
我的生日2021
壽星公又大一歲喇！疫情期間，冇得去酒家食飯慶祝，唯有食自己啦。 （1 ）太太桃姐做龍蝦沙律。 （2）囝囝整壽喜燒，用5A和牛。 （3）囡囡整士多啤梨藍莓芝士蛋糕  太太、囝囝、囡囡佢哋每人俾封大利是老豆我！ 哈哈 ….. 大豐收了。 其實主要係一家人坐埋食餐飯係好好的，真係感恩啊！祝疫情快過 ！各人身體健康 ！
「蘇媽、蘇媽」食肉骨茶
上海街618「蘇媽、蘇媽」食肉骨茶與馬拉鴛鴦燒麵包 +馬來西亞拉茶。 品嚐後，肉骨茶同馬來鴛鴦燒麵包，好好食，正呀！ 回程返家途中，經過油麻地多層停車場，見証2020年除夕夜歷史告別停運。 迎接新的2021年 大家新年快樂！身體健康 ！
平安夜2020
疫情下，這樣渡過 ！??? 哈哈 …… 我與太太桃姐拍老拖，去灣仔波士頓鋸扒。? 食飽飽後，由灣仔漫步至中環過海尖沙咀海傍。
聖誕節2020
祝大家聖誕節愉快！? 一家人開開心心渡過一個溫馨的聖誕夜。???? 囝囝整的威靈頓牛肉好正，囡囡榴槤蛋糕好好食 ！?
Categories: 未分類
天時凍凍哋！
最好係打邊爐喇，食飽後暖粒粒。 然後睇番場戲，都算係幾好享受。
魔鬼山炮台
29.11.2020 今日天氣非常好，我同太太桃姐又出動行山喇！ 由調景嶺起步上魔鬼山炮台，再行鯉魚門兩個堡壘，行至鯉魚門燈塔，行畢7.35公里，出咗一身汗排毒，舒服晒！
東洋山
22.11.2020 太太桃姐帶隊去近期大熱打咭點，睇「芒草」喎。 由井欄樹起步經飛鵝山道至東洋山頂，順便同我試吓腳喎，go go go !!! 來回行畢都有10公里。 山上好多人，非常熱鬧。
